2022-mi qaammatini pingasuni siullerni avataasiorluni tunisassiuutigalugu aalisarnermi pisat
Avataasiorluni nammineq tunisassiuutigalugu 2022-mi aalisarnermi kvartalimi siullermi pisat matumuuna kisitsisaataasivitsinni takuneqarsin-naalerput. Uani pineqarput aalisariutit namminneq tunisassiorfillit nunatta nunallu allat imartaani aalisakkanik qalerualinnillu pisaat. Aammattaaq kisitsisaataasivimmi nunat allat aalisariutaasa nunatta imartaani kvartalimi siullermi pisaat takuneqarsinnaanngorput.
Maluginiaqquneqarpoq avataasiorluni aalisarnermi pisatut pineqartut tassaamata nammineq aalisariummi tunisassiat. Qalerallit saarulliillu avataasiortunit aalisakkerivinnut tunisat kisitsisini ilaanngillat, taakku tunisinermi naatsorsuutinut ilaareermata.
Kinguppaat kitaata avataani pisat iluarsiivigineqarput, qaleruaqartillugit tunisassiat taamaallaat pisatut nalunaarsorneqalerlutik.
Kvartalimi siullermi pisat 2019-imiit – 2022-mut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN008
Kisitsisaataasivik:
Kisitsisaataasivimmi avataasiorluni nunatta eqqaani imartanilu allani aalisarnermi pisat 2008-miit 2022-imut kisitsisaateqarfimmi takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.